काठमाडौं।
सङ्घीय संसद्अन्तर्गत राष्ट्रिय सभाको एक्काइसौँ अधिवेशनको १८औँ बैठक आज बस्दै छ।बैठक सोमबार अपराह्न १स्१५ बजेका लागि तय भएको संसद् सचिवालयले जनाएको छ।आजको बैठक नयाँ आर्थिक वर्षको बजेटमाथि केन्द्रित रहने बताइएको छ ।
सङ्घीय संसद् सचिवालयका महासचिव पद्म प्रसाद पाण्डेयका अनुसार आजको बैठकको मुख्य कार्यसूची सरकारले आगामी आर्थिक वर्षका लागि ल्याएको बजेटमाथि छलफल र त्यसको जवाफमा केन्द्रित हुने भएको छ ।
बैठकको पहिलो कार्यसूचीका रूपमा आर्थिक वर्ष २०८३/०८४ को राजस्व र व्ययको वार्षिक अनुमान अर्थात् बजेटमाथि सामान्य छलफल हुनेछ। त्यसैगरी, आजैको बैठकमा राजस्व र व्ययको वार्षिक अनुमानमाथि भएको छलफलको जवाफ दिने कार्यक्रमसमेत रहेको छ। बजेटमाथिको सामान्य छलफल सकिएपछि माननीय अर्थमन्त्री डा. स्वर्णिम वाग्लेले संसद्मा उठेका प्रश्नहरूको जवाफ दिने कार्यसूची छ।
