एसीसी महिला टी-ट्वान्टी च्याम्पियनसिप अन्तर्गत नेपाल आज कुवेतसँग भिड्दैछ । मलेसियाको किनरारा मैदानमा नेपाल र कुवेतबीचको खेल नेपाली समय अनुसार १२: ४५ बजे सुरु हुने भएको छ ।

पहिलो खेलमा जित निकालेको नेपाल आजको खेलमा पनि जित्ने आत्मविश्वास सहित मैदानमा उत्रदैछ ।शुक्रबार भएको पहिलो खेलमा नेपालले भुटानलाई ५० रनले हराएको थियो ।

कुवेत विरुद्धको यस अघिको दुई भेटमा नेपालले जित निकालेको थियो । अब नेपालले सोमबार बहराइन र अन्तिम खेलमा मंगलबार हङकङसँग खेल्नेछ।