काठमाडौं ।
पहिरो खसेपछि पृथ्वी राजमार्ग आठ घण्टादेखि अवरुद्ध छ । चितवनको इच्छाकामना गाउँपालिका–५ स्थित सिमलधारामा ठूलो सुख्खा पहिरो खस्दा सडक दुवैतर्फी अवरुद्ध भएको हो ।
शनिबार राति करिब १०:२५ बजे खसेको पहिरोका कारण नारायणगढ–काठमाडौँ सडकखण्ड पूर्णरूपमा बन्द भएको प्रहरीले जानकारी दिएको छ ।
पहिरो पन्छाएर यातायात सञ्चालनमा ल्याउन अझै कम्तीमा ५र६ घण्टा समय लाग्ने अनुमान गरिएको प्रहरीले जनाएको छ ।
यात्रुहरूको सुरक्षालाई ध्यानमा राख्दै अर्को सूचना जारी नभएसम्म नारायणगढबाट काठमाडौँ जाने तथा काठमाडौँबाट नारायणगढ आउने सबै प्रकारका सवारीसाधनको आवागमन पूर्णरूपमा बन्द गरिएको छ ।
पहिरो पन्छाएर सडक खुलाउन सडक विभागसँगसमेत समन्वय भइरहेको प्रहरीले जनाएको छ । पहिरोको कारण सवारी साधन रोकिँदा यात्रुले सास्ती पाएका छन् ।
