काठमाडौं।

साताको कारोबार हुने अन्तिम दिन बिहीबार सेयर बजार परिसूचक (नेप्से) मा सामान्य वृद्धि देखिएको छ । नेपाल स्टक एक्सचेन्जका अनुसार आज नेप्से सूचक ८.९७ अङ्कले बढेर २६७१.०७ विन्दुमा पुगेर बन्द भएको छ ।

आज बजारमा कारोबार रकमले पनि उत्साहजनक साथ दिएको छ । दिनभरिमा ३३७ कम्पनीका २ करोड ७७ लाख कित्ता किनबेच हुँदा कुल ११ अर्ब १० करोड रुपैयाँ बराबरको कारोबार भएको छ ।

बजारको स्थिति हेर्दा आज १३९ कम्पनीको सेयर मूल्य बढेको छ भने ११५ कम्पनीको मूल्य घटेको छ । बाँकी ६ कम्पनीको मूल्य भने स्थिर रहेको देखिन्छ ।