हिमाल आरोहणमा र्वल्ड रेकर्ड बनाएका पूर्व गोर्खा आरोही निर्मल पुर्जालाई बेलायतमा सम्मान गरिएको छ।

बेलायतको ईष्टली बरो काउन्सिलले पुर्जालाई ‘फ्रिडम अफ दि बरो’ उपाधि सहित सम्मान गरेको हो । काउन्सिल भवनमा आयोजित एक समारोहबीच इष्ट्ली मेयर काउन्सिलर सिन्थिया गार्टोनले उनलाई उक्त सम्मान प्रदान गरेकी हुन् ।

सन् १९४६ मा इष्टली बरो बनेयता उक्त सम्मान पाउने पूर्जा १७ औँ व्यक्ति हुन् । सम्मान प्रदान गर्दै मेयर सिन्थियाले पूर्जा विश्वले नै गर्व गर्न लायक धरोहर भएको भन्दै बधाइ दिइन् । निर्मल पूर्जाले सम्मान प्रदान गरिएकामा काउन्सिलप्रति आभार व्यक्त गरेका छन् ।