पोखरा ।

जिल्ला प्रहरी कार्यालय कास्कीले मंसिर १ गते देखि ७ गते आजसम्मको अवधिमा २३ वटा मोटरसाइकललाई नियन्त्रणमा लिएको जानकारी दिएको छ ।

मोडिफाई गरि चलाइएका, चर्को आवाजमा ध्वनी प्रदुषण गर्ने २३ वटा मोटरसाइकलाई जिल्ला प्रहरी कार्यालय कास्कीले नियन्त्रणमा लिएको हो । ति मोटरसाईकललाई आवश्यक कारबाहीका लागि यातायात व्यवस्था कार्यालय पोखरा पठाएको प्रहरीले बताएको छ ।

कसैले स्वरुप परिवर्तन गरी ध्वनी प्रदुषण गरी मोटरसाइकल चलाएको देखेमा जिल्ला प्रहरी कार्यालयको १०० र जिल्ला ट्राफिक कार्यालयको १०३ मा टेलिफोन गरी सूचना दिन प्रहरीले अनुरोध गरेको छ ।