पोखरा ।

पोखरा महानगरपालिका वडा नम्बर २९ भण्डारढिक नयाँबस्तीबाट लागुऔषधसहित एक युवक प्रकाउ परेका छन् ।

पक्राउ पर्नेमा २६ वर्षका कपिल घिमिरे रहेका छन् । कपिललाई आगूऔषधको कारोबार गर्ने गरेको सुचनाको आधारमा उनको घरमा खान तलासी गर्ने क्रममा लागूऔषध फेला परेको जिल्ला प्रहरी कार्यालय कास्कीले जानकारी दिएको छ ।

आफु सुत्ने कोठाको भित्तामा कालो झोलाभित्र लुकाई छिपाई राखेको अवस्थामा डाईजापाम २२८, फेनेरागन २१२ र ब्रुफिन २२२ एम्पूल गरी जम्मा ६६२ एम्पुल लागूऔषध र एउटा मोबाइल भेटिएको प्रहरीले जनाएको छ । उनलाई नियन्त्रणमा लिई १० दिनको म्याद थपी अनुसन्धान भइरहेको प्रहरीले बताएको छ ।