पोखरा ।
पोखरामा श्रीमतीको हत्या गरेको आरोपमा श्रीमान पक्राउ परेका छन् । पक्राउ पर्नेमा कास्कीको अन्नपूर्ण गाउँपालिका घर भई हाल पोखरा महानगरपालिका वडा नम्बर ८ कुवँर टोलमा भाडा बस्दै आएका ४२ वर्षीय जहरसिंह कुँवर रहेको जिल्ला प्रहरी कार्यालय कास्कीले जानकारी दिएको छ ।
कुँवरले गएराति ४० वर्षीय श्रीमती राधिका कुँवरमाथि खुकुरी प्रहार गरी हत्या गरेको प्रहरीले जनाएको छ । प्रहरीका अनुसार कुँवरले सामान्य विवादमा श्रीमतीमाथि खुकुरी प्रहार गरेका थिए । घाइते राधिकालाई उपचारका लागि पश्चिमाञ्चल क्षेत्रीय अस्पताल पुर्याए पनि चिकित्सकले मृत घोषणा गरेका हुन् ।
घटनामा प्रयोग भएको खुकरीसहित कुँवरलाई पक्राउ गरिएको र थप अनुसन्धान भइरहेको प्रहरीले जानकारी दिएको छ ।
