पोखरा ।

नेकपा एमाले,पोखरा पोखरा महानगरपालीका कमिटीको दोस्रो नगर अधिवेशनको तयारी पुरा भएको छ ।

राज्य पुन संरचनासँगै नेकपा एमालेले ७५३ स्थानीय तहमा नै पालिका कमीटी गठन गरेको थियो । नेकपा एमाले पोखरा महानगरपालिका कमिटीको दोस्रो अधिवेशनको लागी वडा ,जनवर्गीय संगठनबाट आउने प्रतिनिधि चयन सम्पन्न भइसकेको छ ।

११६ सदस्यीय आयोजक कमिटी , ४८ सदस्यीय सल्लाहकार समिती ,वडा कमिटी २९६ ,जनवर्गीय संघठनबाट ३७ गरी समेत गरी कुल ४९७ जना प्रतिनिधि रहनेछन ।

यहि जेष्ठ १९ र २० गते पोखरा सभागृहमा चल्ने अधिवेशनको उद्घाटन नेकपा एमालेका केन्द्रीय वरिष्ठ उपाध्यक्ष इश्वर पोखरेलले गर्ने कार्यक्रम तय भएको छ ।  त्यस पश्चात बन्द सत्रका कार्यक्रम समेत पोखरा सभागृहमा सञ्चालन हुने छन ।

कमिटीले दोस्रो अधिवेशनको लोगो सार्वजनिक गरेको छ । पोखरा झल्किने लोगोमा नेकपा (एमाले) को पार्टीको झण्डा ,चुनाव चिन्ह ,माछापुच्छ्रे हिमालको दृश्य समावेश गरीएको छ ।

नेकपा (एमाले) पोखरा महानगर अधिवेशनबाट अध्यक्ष ,उपाध्यक्ष र सचिव १-१ जना ,उपसचिव २ जना सहित १०१ जना छनौट हुने नेकपा एमाले पोखरा महानगर कमिटीका अध्यक्ष दिलिप न्यौपानेले जानकारी गराएका थिए ।