पोखरा ।
पोखराबाट पुम्दीभुम्दीतर्फ जाँदै गरेको सिटी बस दुर्घटनामा परेको छ ।
३० यात्रु सवार बस दुर्घटना हुदाँ ११ जना घाईते भएको र घाईते मध्य तीन जनाको अवस्था गम्भिर रहेको जिल्ला ट्राफिक कार्यालय कास्कीले जानकारी दिएको छ ।
ग १ ख ८५८५ नम्बरको बस घुम्तीमा ब्याक हुँदा दुर्घटना भएको ट्राफिक कार्यालय कास्कीका सूचना अधिकारी शिव पाठकले बताएका छन् । पाठकको अनुसार घाइतेको उद्धार भइसकेको छ र बसमा सवार ३० जना सवार थिए भन्ने बुझिएको छ ।
घाईतेहरुको नाम खुलि नसकेको ट्राफिक कार्यालय कास्कीले जनाएको छ ।
