काठमाडौं ।
अविरल वर्षासँगै आएको पहिरोले नारायणगढ-मुग्लिन सडकखण्ड अवरुद्ध भएको छ ।
इच्छाकामना गाउँपालिका-६ कालीखोलालगायत नारायणगढ-मुग्लिन सडकका विभिन्न ठाउँमा पहिरो खसेको छ । पहिरोले बिहानै साढे पाँच बजेदेखि सडक अवरुद्ध भएको हो ।
बिहानैदेखि सडक डिभिजन कार्यालय भरतपुरले पहिरो पन्छाइरहेको जिल्ला ट्राफिक कार्यालय चितवनले जानकारी दिएको छ ।यो सडकखण्डमा बारम्बार पहिरो खस्दा यात्रुले सास्ती भोग्नु परेको छ ।
