काठमाडौं ।
स्याङ्जाका राज भट्टराई विदेशी मुद्रासहित पक्राउ परेका छन् ।
सिंगापुर हुँदै जापान जान लागेका भट्टराईलाई त्रिभुवन विमानस्थलबाट पक्राउ गरिएको हो ।
प्रहरीका अनुसार उनको साथबाट जापानी येन १५ लाख ९० हजार पनि बरामद गरिएको छ । उनले उक्त रुपैयाँ अवैध रुपमा नेपालबाट जापान लगिरहेको अनुसन्धानबाट खुलेको प्रहरीले जनाएको छ ।
उनलाई थप अनुसन्धान तथा कारबाहीका लागि राजश्व अनुसन्धान विभागमा बुझाइएको प्रहरीले जानकारी दिएको छ ।
