पोखरा ।

पोखरा महानगरपालिका र पोखरा बसपार्कको उत्तरी क्षेत्रमा रहेको पेट्रोल पम्प लाइनका जग्गाधनीहरू बसपार्क निर्माणका विषयमा सहमति भएको छ ।

सहमतिसंगै उक्त क्षेत्रका जग्गाधनीहरूले महानगरपालिकाविरुद्ध उच्च अदालतमा दायर गरेको रिट निवेदन सम्पूर्ण निवेदकहरूको तर्फबाट फिर्ता लिने सहमति भएको छ । अदालतले २६ जेठमा छलफलका लागी पक्षलाईअदालत बोलाएको थियो । साथै, बसपार्क निर्माण कार्यलाई सहजीकरण गर्न दुवै पक्षले आवश्यक सहयोग गर्ने समझदारी समेत  गरेका छन् ।

सहमतिअनुसार भविष्यमा निर्माण गरिने संरचनाहरू महानगरपालिकाले तोकेको मापदण्डबमोजिम निर्माण गरिनेछ । यस्तै, हाल सञ्चालनमा रहेका सटर तथा कबलहरू आजको मितिले सात दिनभित्र पूर्ण रूपमा हटाउने सहमति पनि भएको महानगरपालिकाले जनाएको छ ।

पोखरा महानगरपालिकाले करिब आधा शताब्दीदेखि विभिन्न कारणले रोकिँदै आएको सुविधा सम्पन्न पोखरा बसपार्क निर्माणको मार्ग प्रशस्त भएको जनाएको छ । महानगरपालिकाले बसपार्क निर्माणलाई अघि बढाउन सहयोग पु¥याउने सम्पूर्ण जग्गाधनी, स्थानीयवासी, सरोकारवाला पक्ष तथा सम्बन्धित सबैप्रति धन्यवाद तथा कृतज्ञता व्यक्त गरेको छ । महानगरपालिकाले यस सहमतिसँगै बहुप्रतिक्षित पोखरा बसपार्क निर्माण कार्यले गति लिने विश्वास व्यक्त गरेको छ ।