काठमाडौं ।
झापा क्षेत्र नम्बर २ मा नेकपा एमालेका तर्फबाट उम्मेदवार बनेका देवराज घिमिरेले आफ्नो चुनावी अभियान प्रविधिमैत्री भएको बताएका छन् । प्रतिनिधिसभाका निवर्तमान सभामुख समेत रहेका घिमिरेले यस पटक मतदाताका घरदैलोमा पुग्ने परम्परागत शैलीसँगै डिजिटल माध्यमलाई पनि सशक्त रूपमा प्रयोग गरिरहेका छन् ।
घिमिरेले आफ्नो चुनावी प्रतिबद्धता पत्र ९घोषणापत्र० तयार पार्न स्थानीय बासिन्दाको प्रत्यक्ष सहभागिता खोजेका छन् । यसका लागि उनले एक क्युआर कोड र वेबसाइट लिङ्क सार्वजनिक गर्दै झापा क्षेत्र नं।२ का मतदाताहरूसँग सुझाव आह्वान गरेका छन् ।
घिमिरेका अनुसार, आगामी कार्यकाल ९२०८२–८७० का लागि बनाइने प्रतिबद्धता पत्रमा जनताका वास्तविक समस्या र आवश्यकतालाई समेट्न यो प्रविधि अपनाइएको हो । ‘झापा क्षेत्र नं। २ का आमाबुवा, दाजुभाइ तथा दिदीबहिनीहरूको सुझावलाई नै हामीले हाम्रो मार्गचित्र बनाउनेछौँ’ घिमिरेको सचिवालयले जारी गरेको सूचनामा भनिएको छ ।
गत निर्वाचनमा सोही क्षेत्रबाट निर्वाचित भएपछि सभामुख बनेका घिमिरेलाई यसपटक ‘अनुभवी’ र ’प्रविधिमैत्री’ उम्मेदवारका रूपमा प्रस्तुत गरिएको छ । उनले मतदाता भेटघाटका क्रममा स्थानीय विकास, पूर्वाधार र शिक्षाका मुद्दाहरूमा छलफल गर्दै डिजिटल माध्यमबाट आउने रचनात्मक सुझावहरूलाई पनि उच्च प्राथमिकता दिने प्रतिबद्धता जनाएका छन् ।
