काठमाडौं ।
सिन्धुलीस्थित सुनकोशी नदीमा कार खसेको छ ।
फिक्कल गाउँपालिका–२ नवलपुरबाट सुनकोशी नदीमा बसको ठक्करबाट कार खसेको सूचना आएको जिल्ला प्रहरी कार्यालय सिन्धुलीका एसपी रवीन्द्रबहादुर सिंहले जानकारी दिएका छन् ।
कार खसेको सूचना आएपछि अहिले प्रहरी र सशस्त्रको टोली घटनास्थलतर्फ गएको उनले बताए । कारमा कति मान्छे सवार थिए भन्ने यकिन नरहेको उनको भनाइ छ ।
नदीमा खसेको कारको नम्बर र ठक्कर दिएको भनिएको बसको नम्बर समेत खुल्न बाँकी रहेको एसपी सिंहले बताए ।
