पोखरा ।
नेपाली कांग्रेस कास्कीका सभापति किशोरदक्त बरालले कुनै पनि कार्यक्रममा प्रमुख अतिथि भएर नजाने घोषणा गरेका छन् । आइतबार पार्टीको घरघर जाऔँ, कांग्रेसलाई जिताऔँ अभियानको सुरुवात कार्यक्रममा बरालले नेपाली कांग्रेका मातहतका निकायले आयोजना गर्ने कुनै पनि कार्यक्रममा प्रमुख अतिथि भएर नजाउने उनले घोषणा गरेका हुन् ।

आफ्नै पार्टी भित्र आफ्नै कार्यक्रममा प्रमुख अतिथि हुदाँ सोभा नदिएको उनले बताए ।

उनले आफुलाई कुनै पनि कार्यक्रममा मञ्चमा नबोलाउन पनि उनले आग्रह गरे । जिल्लाको कार्यक्रममा जिल्ला सभापतिको हैसियतले सभा अध्यक्ष हुने वाहेक अफु मञ्चमा नबस्ने उनको भनाई थियो । फ्लोरमा उपस्थित सबै कार्यकर्तासगै बस्दा आनन्द आउने उनले स्पष्ट पारे ।

यस पहिले उनले मञ्चमा प्रमुख अतिथि र सभा अध्यक्ष वाहेक अरु नबस्ने कार्यक्रम संचालन निर्देशीका कार्यसमितिबाट निर्णय गरेर कार्यान्वयनमा ल्याइ सकेका छन् । आसन, भाषण भन्दा काममा जोड दिनुपर्छ भन्ने बरालले पार्टीको आन्तरिक जिवलाई पहिला परिवर्तन गर्नुपर्नेमा जोड दिदै आएका छन् ।

भिडियो