काठमाडौं ।
नेपाल प्रिमियर लिग (एनपीएल) को तेस्रो दिन आज पोखरा एभेन्जर्सले आफ्नो पहिलो खेल खेल्दै छ । तेस्रो दिनको दोस्रो खेलमा पोखरा एभेन्जर्स र चितवन राइनोजबीच प्रतिस्पर्धा हुन लागेको हो । खेल टीयू अन्तर्राष्ट्रिय क्रिकेट मैदान, कीर्तिपुरमा दिउँसो १ बजे सुरु हुनेछ ।
सोमबारको पहिलो खेलमा काठमाडौंलाई ५ विकेटले हराएको चितवन भोलिपल्ट नै दोस्रो खेल खेल्न लागेको हो । चितवनले पहिलो खेलको जितको लयलाई निरन्तरता दिने लक्ष्यसाथ मैदानमा उत्रिदैछ भने पहिलो खेल खेल्न लागेको पोखरा सुखद सुरूवात गर्ने दाउमा हुनेछ ।
चितवनको कप्तानमा कुशल मल्ल छन् भने पोखराको कप्तानमा कुशल भुर्तेल छन् ।चितवनलाई काठमाडौंसँग भएको पहिलो खेलमा भेट्रान खेलाडी शरद भेषावकर र युवा खेलाडी सन्तोष कार्कीले क्रिजमा टिकेर खेल्दै जिताएका थिए ।
