पोखरा ।
आईसीसी विश्वकप क्रिकेट लिग–२ शृंखला अन्तर्गत स्कटल्यान्ड र नेपालबीचको खेल वर्षाका कारण रद्द भएको छ ।
अमेरिकाको ग्राउण्ड प्रेरी क्रिकेट रङ्गशालामा टस हारेर पहिला ब्याटिङ गरेको नेपालले ६ ओभरमा १ विकेट गुमाउँदै २६ रन बनाएको अवस्थामा खेल हावाहुरी र वर्षाका कारण खेल रोकिएको हो । खेल रद्द भएपछि स्कटल्यान्ड र नेपालले एकरएक अङ्क बाँडेका छन् ।
नेपाल १२ खेलमा २ मा जीत, ८ मा हार र २ खेल रद्द हुँदा ६ अंकका साथ सातौँ स्थानमा छ । स्कटल्याण्ड ११ खेलमा १४ अंकसहित तेस्रो स्थानमा छ । अमेरिका १२ खेलमा १६ अंककासाथ शीर्ष स्थानमा छ । क्यानडा पनि १२ खेलमा १६ अंकसहित रनरेटका आधारमा दोश्रो स्थानमा छ ।
अमेरिकामा घरेलु टोली, नेपाल र स्कटल्यान्डबीच त्रिदेशीय एकदिवसीय शृंखला भएको हो
