नेकपा एकीकृत समाजवादीले पार्टीको केन्द्रीय कमिटी र केन्द्रीय आयोगलाई पूर्णता दिन गृहकार्य गर्ने जिम्मेवारी तीन नेतालाई दिएको छ।
बुधबार बसेको केन्द्रीय कमिटी बैठकले ‘केन्द्रीय कमिटी र केन्द्रीय आयोगको संख्या, नाम र मनोनयनकाबारेमा गृहकार्य’ गर्न तीन सदस्यी कार्यदल बनाउने निर्णय गरेको हो।
कार्यदलमा अध्यक्ष माधव नेपाल, सम्मानित नेता झलनाथ खनाल र महासचिव घनश्याम भुसाल रहेका छन्। आयोगले साउन १८ मा बस्ने केन्द्रीय कमिटीको बैठक अगावै टुंगो लगाउने छ।
एकीकृत समाजवादको हालै सकिएको १० औं महाधिवेशनले अध्यक्षसहितका केही पदाधिकारी र केन्द्रीय सदस्य चयन गरे पनि पूर्णता दिन बाँकी छ।
