पोखरा ।

सत्तारूढ नेकपा एमालेको सचिवालय बैठक आज दिउँसो बस्दैछ । बैठक दिउँसो एक बजे पार्टी कार्यालयमा बस्ने एमाले प्रचार विभाग प्रमुख राजेन्द्र गौतमले जानकारी दिए ।

गौतमका अनुसार ८ र ९ वैशाखमा बस्ने  महाधिवेशन प्रतिनिधि परिषद्को बैठकको विषयमा छलफल हुनेछ । त्यसको तयारीको विषयमा बैठकमा छलफल हुनेछ ।

यस्तै बैठकमा उपनिर्वाचनको तयारी लगायतको विषयमा पनि निर्णय गर्ने गौतमले जानकारी दिए । पछिल्लो राजनीतिक घटनाक्रमबारे पनि बैठकमा छलफल हुने उनले बताए । इलाम—२ मा एमालेले सुहाङ नेम्वाङलाई उम्मेदवार बनाएको छ ।