पोखरा ।
एट ए साईड फोर्टी फाइभ प्लस राष्ट्रिय भेट्रान्स फुटवल प्रतियोगितामा एक्स वारियरले बिजयी शुरुवात गरेको छ । सोमबारदेखी पोखरा रंगशालामा अमरसिंह ब्वाइज क्लबको आयोजनामा शुरु भएको दोश्रो एट ए साईड ४५ प्लस राष्ट्रिय भेट्रान्स फुटवल प्रतियोगिताको उद्घाटन खेलमा पाहुना टिम सिमरा भेट्रान्सलाई २—१ गोल अन्तरले पराजित गर्दै एक्स वारिएरले बिजयी शुरुवात गरेको हो । उक्त खेलमा एक्स वारियरका खेलाडी धन कुमार गुरुङ म्यान अफ दी म्याच घोषित भए ।

त्यस्तै दोश्रो खेलमा आयोजक एबिसी र बिरगंज फ्रिडम फाइटर बीचको खेल निर्धारित समयमा बराबरीमा सकिएपछि टाइब्रेकरमा आयोजक एबिसी ले बिरगंज युथ एकेडेमीलाई ३—२ गोल अन्तरले पराजितगर्दै अघिल्लो चरणमा प्रवेश गर्न सफल भयो । उक्त खेलमा एबीसीका खेलाडी राजेन्द्र तामाङ म्यान अफ दी म्याच घोषित भए ।

नौ टीमको सहभागीता रहेको उक्त प्रतियोगिताको बिजेताले नगद १ लाख ५५ हजार पाँच सय ५५, शिल्ड र मेडल प्राप्त गर्ने छनभने उपबिजेताले नगद ७७ हजार ७ सय ७७, ट्रफी र मेडल प्राप्त गर्ने आयोजक अमरसिंह ब्वाइज क्लबका सचिव बिजय घिमिरेले जानकारी दिए ।