विराटनगर ।
कोशी प्रदेशमा नेपाली कांग्रेसका नेता कृष्ण प्रसाद सिटौला विजयी भएका छन् । सत्ता गठबन्धनका साझा उम्मेदवार बनेका सिटौलाले एमाले–राप्रपा गठबन्धनका उद्धव पौडेललाई पराजित गरेका हुन् ।
सिटौलाले प्रदेशतर्फ ४५ सांसदको मत पाउँदा उद्धवले ४७ सांसदको मत पाए । यस्तै उम्मेदवारी निष्क्रिय बनाएपनि एमालेका पर्शुराम अधिकारीले पनि प्रदेशतर्फ १ मत पाए ।
यसैगरी स्थानीय तहतर्फ सिटौला १५३ जनाको मत पाउँदा उद्धवले १०९ जनाको मात्रै मत पाए । यस्तै एमालेका पर्शुरामले ५ जनाको मत पाए ।
जसअनुसार विजयी सिटौलाले कुल ५२९२ मतभार प्राप्त गरे भने पौडेलले ४५६२ मतभार प्राप्त गरे । यस्तै अधिकारीले १४८ मतभार प्राप्त गरे ।
कोशीमा गठबन्धनलाई अनपेक्षित रुपमा धक्का दिँदै महिला तर्फ एमालेकी रुक्मिणी कोइराला विजयी भएसंगै कांग्रेसका हेविवेट नेता सिटौला पनि पराजय हुने त्रासमा थिए ।
कोशीमा सत्ता पक्षकै केही प्रदेश सांसद र स्थानीय तहका जनप्रतिनिधिले मत क्रस गरेको समाचार बाहिरिएका थिए ।
