काठमाडौँ ।
सन् २०२४ मा आयोजना हुने टी-२० विश्वकप क्रिकेट प्रतियोगिताको एसियाली क्षेत्रको अन्तिम चरणको छनोट खेलमा सोमबार आयोजक राष्ट्र नेपालले सिंगापुरको तेस्रो विकेट लिएको छ ।
सिंगापुरको तेस्रो विकेट गुल्सन झाले लिएका हुन् । गुल्सनले क्रिजमा जमिसकेका सिंगापुरका ओपनर ब्याट्सम्यान रोहन रंगराजनलाई ४६ रनको व्यक्तिगत स्कोरमा पेभेलियन फर्काएका हुन् । गुल्सनले रोहनलाई सन्दीप जोरामार्फत क्याच गराएका हुन् ।
प्रारम्भदेखि नै आक्रामक रूपमा प्रस्तुत भएका रोहनले ३० बलको सामना गरी एक छक्का र नौ चौका हिर्काएका थिए । रोहन आउट हुँदा सिंगापुरले ७।१ ओभरमा तीन विकेट गुमाएर ५३ रन बनाएको छ ।
