काठमाडौं ।
बाढी पहिरो निरीक्षण तथा अवलोकनको दौडधुपमा लागेका देउवा आज पूर्वतिर प्रस्थान गरेका छन् । प्रधानमन्त्री देउवा आज बिहान ८ बजे क्षति निरीक्षणका लागि त्यसतर्फ प्रस्थान गरेका हुन् ।
प्रधानमन्त्री देउवाले आज पूर्वका सुनसरी, मोरङ, इलाम र पाँचथर पुगी त्यहाँ पुगेको क्षतिको अवलोकन गर्नेछन् । देउवा आजै साँझ काठमाडौ फर्किने भएका छन् ।
बिहीबार र शुक्रबार प्रधानमन्त्री देउवाले सुदूरपश्चिम प्रदेशमा बाढी पहिरोले पुर्याएको क्षतिबारे निरीक्षण गरेका थिए ।बाढीपहिरो प्रभावित क्षेत्रको अवलोकनपछि सरकारले पीडितलाई तत्कालीन र दीर्घकालीन राहतको व्यवस्था गर्ने तयारी गरिरहेको छ ।
