पोखरा ।
कास्कीको नयाँपुल बाट घान्द्रुक तर्फ जाँदै गरेको बोलेरो जीप कलाभिरमा दूर्घटना हुँदा ८ जनाको ज्यान गुमेको छ ।
एक जना घाइते भएका छन् । ज्यान गुमाउनेको पहिचान हुन सकेको छैन । ज्यान गुमाउने ६ जना पुरुष र दुई जना महिला रहेका जिल्ला प्रहरी कार्यालय कास्कीले जानकारी दिएको छ ।
जिल्ला प्रहरी कार्यालय कास्कीका प्रमुख प्रहरी उपरीक्षक रमेश थापाका अनुसार ९ जना सबार जीपमा एक जना गम्भिर घाइते छन् ।
सोमबार दिउँसो नयाँ पुलबाट छुटेको जीप २ : १५ बजे घान्द्रुक जाने क्रममा ग १ ज ६९०० नम्बरको जीप दूर्घटनामा परेको हो ।
गम्भिर घाइते एक जनालाई उपचारका लागि मणिपाल शिक्षण अस्पताल लगिएको छ ।
