काठमाडौं ।
पछिल्लो २४ घण्टामा थप ९३४ जनामा कोरोना संक्रमण पुष्टि भएको छ भने एक जनाको मृत्यु भएको छ ।स्वास्थ्य तथा जनसंख्या मन्त्रालयका अनुसार ५ हजार ३५१ जनाको परीक्षणमा ९३४ जनामा संक्रमण पुष्टि भएको हो ।
स्वास्थ्य मन्त्रालयका अनुसार २ हजार ८६२ जनाको पीसीआर परीक्षण गर्दा ४९८ जना र २ हजार ४८९ जनाको एन्टिजेन परीक्षण गर्दा ४३६ जनामा संक्रमण देखिएको मन्त्रालयको भनाइ छ ।
सोही समयमा ४७० संक्रमित डिस्चार्ज भएका छन् ।आज थपिएका संक्रमितसँगै हाल नेपालमा सक्रिय संक्रमितको संख्या ५६८६ पुगेको छ । आज ३२५३४ जनाले कोरोना विरुद्धको खोप लगाएको मन्त्रालयले जनाएको छ ।
