काठमाडौं ।
मेडिकल व्यवसायी दुर्गा प्रसाईंलाई हाजिर जमानीमा छाडिने भएको छ ।
साइबर ब्युरोका प्रवक्ता एसपी दीपकराज अवस्थीका अनुसार उनलाई हाजिरी जमानीमा छाड्ने गरी रिहाको प्रक्रिया अघि बढाइएको छ ।चाल्नाखेलबाट प्रहरीको टोलीले उनलाई साइबर अपराध कसुरमा पक्राउ गरेको थियो ।
माघ पहिलो साता पनि उनी हाजिरी जमानीमा छुटेका थिए ।
यसअघि नेपाली कांग्रेसको आधिकारिकतासम्बन्धी निर्वाचन आयोगको निर्णयलाई लिएर गगन थापामाथि आर्थिक चलखेलको भ्रम फैलाएपछि उनी पक्राउ परेका थिए । प्रसाईँमाथि कारबाही गर्न आयोगले साइबर ब्युरोमा पत्रचार नै गरेको थियो ।
