काठमाडौं ।
जिल्ला अदालत काठमाडौंले पूर्वमन्त्री टोपबहादुर रायमाझी र बालकृष्ण खाँणलाई जेल सजाय निर्धारण गरेको छ । रायमाझीलाई ४ वर्ष र खाँडलाई दुई वर्ष जेल सजाय तोकिएको हो ।
यसका अतिरिक्त रायमाझीलाई ४० हजार र खाँणलाई २० हजार रुपैयाँ जरिवाना पनि तोकिएको छ ।
यो प्रकरणमा पूर्वमन्त्री खाँड र रायमाझीसहित पूर्वसचिव टेकनारायण पाण्डे र पूर्वगृहमन्त्रीका सुरक्षा सल्लाहकार डा। ईन्द्रजित राई मुख्य कसुरदार ठहरिएका छन् भने पूर्वगृहमन्त्री बालकृष्ण खाण र शरणार्थी नेता टेकनाथ रिजालसहितका व्यक्तिहरू मतियारका रूपमा दोषी ठहर भएका छन् ।
अदालतले जिल्ला सरकारी वकिल कार्यालय र प्रतिवादीका कानुन व्यवसायीहरूलाई समेत सोही मितिको जानकारी दिई सजाय पूर्वको प्रतिवेदन र अन्य आवश्यक प्रक्रिया पूरा गर्न आदेश दिएको छ । काठमाडौं जिल्ला अदालतको यो फैसलाविरुद्ध थुनामा रहेका र बाहिर रहेका कसुरदारले अब उच्च र सर्वोच्चमा पुनरावेदन गर्न पाउनेछन् ।
३१ जनालाई प्रतिवादी बनाइएको यस मुद्दामा १६ जना दोषी ठहर भएका छन् भने सात जनाले सफाइ पाएका छन् । अन्य प्रतिवादीको हकमा अदालतले अभियोगअनुसार फरक–फरक फैसला गरेको थियो ।
नेपालको फौजदारी कसुर (सजाय निर्धारण तथा कार्यान्वयन) ऐन, २०७४ अनुसार ३ वर्षभन्दा बढी कैद हुने मुद्दामा कसुर ठहर भएको ३० दिनभित्र सजाय निर्धारणका लागि छुट्टै सुनुवाइ गर्नुपर्ने हुन्छ ।
कसलाई कति सजाय हेर्नुहोस्
१.टेक नारायण रिजाल – दुई वर्ष कैद र २० हजार रुपैयाँ जरिवाना ।
२.केशव प्रसाद दुलाल – चार वर्ष कैद र ४० हजार रुपैयाँ जरिवाना ।
३.सानु भण्डारी – चार वर्ष कैद र ४० हजार रुपैयाँ जरिवाना ।
४.सागर राई – चार वर्ष कैद र ४० हजार रुपैयाँ जरिवाना ।
५. मनोज शर्मा – चार वर्ष कैद र ४० हजार रुपैयाँ जरिवाना।
६. डा. इन्द्रजित राई – चार वर्ष कैद र ४० हजार रुपैयाँ जरिवाना।
७.विक्रम भन्ने गोविन्द कुमार चौधरी – चार वर्ष कैद र ४० हजार रुपैयाँ जरिवाना ।
८.आइडेन्टा शेर्पा – चार वर्ष कैद र ४० हजार रुपैयाँ जरिवाना ।
९.टेक नारायण पाण्डे – चार वर्ष कैद र ४० हजार रुपैयाँ जरिवाना ।
१०.टोप बहादुर रायमाझी – चार वर्ष कैद र ४० हजार रुपैयाँ जरिवाना ।
११.बालकृष्ण खाँण – दुई वर्ष कैद र २० हजार रुपैयाँ जरिवाना ।
१२.नरेन्द्र केसी – एक वर्ष कैद र १० हजार रुपैयाँ जरिवाना ।
१३.शम्भु मिश्र – एक वर्ष कैद र १०हजार रुपैयाँ जरिवाना ।
१४.हरिभक्त महर्जन – एक वर्ष कैद र १० हजार रुपैयाँ जरिवाना ।
१५.निरञ्जन कुमार श्रेष्ठ – एक वर्ष कैद र १० हजार रुपैयाँ जरिवाना ।
