तनुहँको शेराफाँटमा बस दुर्घटना भएको छ ।

अहिले दुर्घटनाग्रस्त गाडीमा सवार घाइतेहरूको उद्धार कार्य भइरहेको जिल्ला प्रशासन कार्यालय तनहुँका सहायक सीडीओ दिपक रेग्मीले जानकारी दिएका छन् । ग २ ख १८३६ नम्बरको बस दुर्घटनामा परेको हो ।

प्रारम्भिक जानकारी अनुसार, बसमा करिब ३० जना व्यक्ति सवार रहेका थिए ।

दुर्घटनामा २७ जना घाइते भएका छन् । घाइतेलाई जीपी अस्पताल बेलचौतारामा उपचारका लागि लगिएको छ । स्थानीय, प्रहरीसहित मिलेर उद्धारको काम भइरहेको र दुर्घटनाको थप विवरण आउन बाँकी रहेको तनहुँका प्रहरी प्रमुख एसपी टेकबहादुर कार्कीले जानकारी दिए ।

बस पोखराबाट भैरहवाका लागि छुटेको थियो ।घटनास्थलमा अहिले प्रहरी पुगेर उद्धारको कार्य अघि बढाएको छ ।