काठमाडौं ।
नेपाली कांग्रेस बाराको मतदान रद्द भएको छ । मतदानमा अनियमितता भएको भन्दै नेतृत्व चयनका लागि हिजो भएको मतदान रद्द गरिएको हो ।
नेपाली कांग्रेस बारा जिल्ला निर्वाचन कार्यालयले विज्ञप्ति निकालेर मतदानमा व्यापक अनियमितता र अमर्यादित स्थिति आएकाले मतदानको सम्पूर्ण प्रक्रिया अर्को सूचना नआइन्जेलसम्मका लागि रद्द गरिएको जनाएको हो ।
मतदानको मिति तय गर्न निर्वाचन कार्यालयमा बैठक बोलाइएको छ ।
