स्याङ्जा ।

प्रेस सेन्टर नेपाल स्याङ्जाको अध्यक्षमा खेमप्रसाद (केपी) खनाल  चयन भएका छन् । आईतबार सम्पन्न छैठौँ अधिवेसन तथा साधारण सभाले केपीको अध्यक्षतामा १५ सदस्यीय नयाँ कार्यसमिति चयन गरेको हो ।

उपाध्यक्षमा कामना सुनार, सचिवमा शालिकराम पोख्रेल, सहसचिवमा सपना अर्याल र इन्द्ुि जाली, कोषाध्यक्षमा तारा कुमार परियार चयन भएका छन् ।

उदयराज भण्डारी, कृति लम्साल, तुलसी पोख्रेल, शेरबहादुर थापा र इशिका गहतराज सदस्य चयन भएका छन् । तीन सदस्य पछि थप गरिने जनाइएको छ । अधिवेशनमा नेकपा माओवादी केन्द्रका केन्द्रीय सदस्य तथा स्याङ्जा जिल्ला इन्चार्जशैलेन्द्र घिमिरेले नवनिर्वाचित समितिलाई शुभकामना दिँदै निरन्तर उत्पीडित र सर्वहारावर्गको पक्षमा कलम चलाउन आग्रह गरेका थिए ।

नेकपा माओवादी केन्द्रका स्याङ्जा संयोजक लोकेन्द्र थापा मगर, प्रेस सेन्टर गण्डकी प्रदेश अध्यक्ष अर्जुन काफ्ले, प्रेस सेन्टर केन्द्रीय सदस्य प्रतीक्षा काफ्ले, प्रेस सेन्टर स्याङ्जाका निवर्तमान अध्यक्ष नारायण विश्वकर्मा लगायतले उक्त अवसरमा नवननिर्वाचित अध्यक्ष, पदाधिकारी र कार्यसमिति सदस्यलाई सफल कार्यकालको शुभकामना दिएका थिए ।