काठमाडौं ।
एन्फा महिला लिग फुटबलमा आजदेखि दोस्रो चरणका खेलहरु सुरू हुँदैछन् । आज दुईवटा खेल हुँदैछ । पहिलो खेलमा बाग्मती युथ क्लब र कोशी प्रदेश खेल्दैछन् । यो खेल एन्फा कम्प्लेक्स सातदोबाटो ललितपुरमा दिउँसो साढे १२ बजे शुरू हुनेछ ।
यस्तै आजको दोस्रो खेलमा स्याङ्जाको वालिङ नगरपालिका र कर्णाली प्रदेश खेल्दैछन् । यो खेल दिउँसो सवा ४ बजे एन्फा कम्प्लेक्समै शुरू हुनेछ ।
अखिल नेपाल फुटबल सङ्घ (एन्फा) को आयोजना भएको लिगमा १० वटा टोली सहभागी छन् । यसअघि हिजोको खेलमा त्रिभुवन आर्मी क्लबले सङ्कटा क्लबलाई हराएको थियो ।
