पोखरा ।

विश्वप्रसिद्ध भारतीय फर्निचर ब्राण्ड ‘भिवोन’का कुर्सीहरुको पोखरामा आधिकारिक रुपमा विक्रिवितरण शुरु भएको छ । फर्निचर व्यवसायमा पोखरामै अग्रणी मानिएको सिटीजन फर्निचर ट्रेड लिंक प्रालिले आधिकारिक रुपमा यो ब्राण्डका कुर्सीहरुको विक्रिवितरण शुरु गरेको हो । सिटीजन फर्निचर यो ब्राण्डका लागि प्रदेशस्तरिय आधिकारिक विक्रेता हो ।

लामो समय कार्यालयमा बसेर काम गर्ने कर्मचारीहरुमा कुर्सीको गुणस्तरकै कारण ढाड र घाँटी दुख्ने समस्या देखिने गरेकोले त्यस्तो समस्या नआउने गरि ‘भिवोन’ ब्राण्डका कुर्सीहरुको डिजाइन गरिएको कम्पनीले दाबी गरेको छ । ‘यो यस्तो प्रिमियम ब्राण्ड हो कि कम्पनीले सम्पूर्ण हिसाबमा गुणस्तरको मादण्ड पु¥याएर बनाएको छ । र, हाम्रो ब्राण्डका सम्पूर्ण प्रोडक्टहरु सर्टिफाइड हुन् ।’ भिवोन ब्राण्डको कन्ट्री सेल्स हेड प्रविन श्रीवास्तवले भने–‘परम्परागत कुर्सीहरुको तुलनामा यी कुर्सीहरु धेरै हदसम्म बलियो र स्वस्थकर छन् ।’

नेपालमा यो ब्राण्डका कुर्सीहरु लञ्च भएको करिब एक वर्ष भैसकेको छ । र, यसको प्रयोग पछि प्रयोकर्ताहरुले दिएको रेटिङ पनि निकै अब्बल रहेको कम्पनीको दाबी छ । ‘हाम्रो कुर्सीहरुको प्रयोगपछि प्रयोगकर्ताहरुले निकै राम्रो प्रतिक्रिया दिनुभएको छ । यसले हामीलाई अझै बढि हौसला पनि मिलेको छ’ श्रीवास्तवले भने ।

कम्पनीले आफ्नो ब्राण्डका सबै डिजाइनका कुर्सीहरुमा २ वर्षको वारेन्टी दिएको छ । दुई वर्षको बीचमा कुर्सीहरुमा आउन सक्ने जुनसुकै खालको समस्यालाई कम्पनीले निशुल्क रुपमा ‘मेन्टेनेन्स’को सुविधा दिएको छ । पोखराको लागि आधिकारिक विक्रेता कम्पनी सिटीजन फर्निचर ट्रेड लिंक प्रालिले नै त्यसको सहजीकरण गर्नेछ ।

‘हामीले पोखरामा थुप्रै विदेशी ब्राण्डका फर्निचरसँगै स्थानियस्तरमा आफ्नै उत्पादनका फर्निचरहरु विक्रिवितरण गरिरहेका छौँ । यद्यपि यो ब्राण्डको विशेषताले हामीलाई पनि लोभ्याएकै कारण दुई कम्पनी बीच व्यवसायिक सहमती भएको हो ।’ सिटीजन फर्निचर ट्रेड लिंक प्रालिका संचालक दीपक कार्कीले भने–‘हामीसँग जोडिनुभएका र जोडिनुहुने ग्राहकहरुले पक्कै पनि यो ब्राण्ड रुचाउनुहुनेछ भन्ने हामीलाई विश्वास छ ।’

भैरव ग्रुपद्वारा संचालित सिटीजन फर्निचरको पोखरा आउटलेट र फर्निचर उद्योग गरि हाल पोखरामा मात्रै करिब २ सय जना कर्मचारीहरु  आबद्ध छन् ।