एजेन्सी ।
इजरायलको कब्जामा रहेको गोलान हाइट्समा रकेट आक्रमण हुदाँ १२ बालबालिका र एक किशोर मारिएका छन् ।
बीबीसीका अनुसार फुटबल मैदानमा भएको रकेट आक्रमणमा १० जनाभन्दा बढी घाइते भएका छन्।इजरायली सेनाले रकेट हिजबुल्लाहले प्रहार गरेको आरोप लगाएको छ। तर हिजबुल्लाहले यो दाबी अस्वीकार गरेको छ।
इजरायली सेनाले माजदल शाम्सको ड्रुज सहरमा रकेट प्रहार भएको जनाएको छ।
इजरायलका प्रधानमन्त्री बेन्जामिन नेतान्याहुले यस हमलाको निन्दा गर्दै आक्रमणकारीले यसको ठूलो मूल्य चुकाउनु पर्ने चेतावनी दिएका छन्।
यो आक्रमणपछि इजरायल र हिजबुल्लाहबीच प्रत्यक्ष युद्ध हुनसक्ने अनुमान गरिएको छ।
गत वर्ष अक्टोबरमा इजरायल(गाजा युद्ध सुरु भएदेखि इजरायली सेना र हिजबुल्लाहबीच लगातार गोली हानाहान भइरहेको छ।
