पोखरा ।
नेकपा एमाले पोखरा महानगर कमिटीमा जीवनप्रसाद आचार्य विजयी भएका छन् । दिपक पौडेललाई पराजित गर्दै उनी विजयी भएका हुन् ।
विजयी आचार्यले २७७ मत प्राप्त गर्दा पौडेलले भने २१० मत पाए । बिहान ८ बजेपछि सुरु भएको मतदान साढे १२ बजेतिर सकिएको थियो । मतदानका लागि २४ वटा विद्युतीय मतदान मेसिन राखिएको थियो ।
४ सय ९८ मतदाता रहेका ४ सय ८८ मत खसेको निर्वाचन समितले जनाएको छ । महानगरमा हुने १ सय १ पदमध्ये निर्वाचन हुने ८७ मध्ये २२ जना सदस्य निर्विरोध भइसकेका छन् ।
