विराटनगर ।

कोशीका मुख्यमन्त्री हिक्मतकुमार कार्कीले यो हप्ताभित्र सरकार विस्तार गर्ने बताएका छन् ।

सोमबार प्रदेशसभामा विश्वासको मत लिएपछि उनले पत्रकारहरुसँग कुराकानी गर्दै ढिलोमा यो हप्ताभित्र सरकार विस्तार गरिसक्ने बताए । सरकारमा तत्काल एमाले र माओवादी केन्द्रमात्र सामेल हुने कार्कीले बताए ।

जनता समाजवादी पार्टी दल विभाजना भएको र निर्वाचन आयोगले प्रदेशसभा सदस्यलाई दल रोज्न समय दिएकाले तत्काल उसलाई सरकारमा सहभागी नगराउने मुख्यमन्त्री कार्कीको भनाइ छ । कोशीमा जनता समाजवादी पार्टी नेपालको एक जना मात्र सांसद निर्मला लिम्बू छिन् ।

त्यस्तै सोमबार मुख्यमन्त्रीलाई विश्वासको मत दिएको एकीकृत समाजवादीले तत्कालका लागि विपक्षमा नै बस्ने भनेकाले उसलाई पनि सरकारमा सहभागी नगराउने मुख्यमन्त्री कार्कीको भनाइ छ ।