पोखरा ।
पोखरामा अपरिचित व्यक्तिको विवाह पार्टीमा गई सुनका गरगहनासहितको ब्याग चोरी गरि फरार पुरुष पक्राउ परेका छन् ।
सुनका गरगहना र नगदसहितको लेडिज ब्याग चोरी फरार पोखरा महानगरपालिका वडा नम्बर १६ बाटुलेचौर बस्ने ३५ वर्षीय सञ्जय श्रेष्ठ पक्राउ परेको जिल्ला प्रहरी कार्यालय कास्कीले जानकारी दिएको छ ।
सञ्जयले यहि बुधबार माघ २४ गते पोखरा महानगरपालिका वडा नम्बर ३ शाक्य समाज घरमा विवाह पार्टीमा गई पार्टीमा आएकी महिलाको टेबलमा राखेको गरगहनासहितको ब्याग लिएर भागेका थिए ।
उनलाई सोही दिन वडा प्रहरी कार्यालय बगरबाट खटिएको प्रहरी टोलिले राती झण्डै पौने ९ बजेको समयमा पोखरा वडा ३ नारायणस्थानमा लुकिछिपी बसेको अवस्थामा पक्राउ गरेको प्रहरीले जानकारी दिएको छ ।
सञ्जयको साथबाट एक जोडी सुनको कानमा लगाउने, एउटा सुनको तिलहरी, एउटा मोवाईल र चार्जर, १२,५०० नगदसहितको लेडिज व्याग बरामद भएको प्रहरीले जानकारी दिएको छ ।उनलाई चोरी सम्बन्धी मुद्दामा सात दिन म्याद थप गरि अनुसन्धान भइरहेको प्रहरीले बताएको छ ।
