पोखरा ।
पोखराको मासबारबाट आज (सोमबार) लागुऔषध सहित २ जना युवक पक्राउ परेका छन् । पक्राउ पर्नेमा पोखरा ७ मासबार बस्ने बर्ष ४२ को रवि पौडेल र पोखरा २९ सैनिक बस्ती बस्ने बर्ष ३५ को रोशन गुरुङ रहेको प्रहरीले जानकारी दिएको छ ।
वडा प्रहरी कार्यालय बैदामबाट खटिएको प्रहरी टोलीले पोखरा-७ मासवार स्थितमा लागुऔषध बिक्रि बितरण भईरहेको छ भन्ने गोप्य सुचनाको आधारमा प्रकाउ गरेको प्रहरीले बताएको छ ।
उक्त स्थानमा खानतलासी गर्ने क्रममा रवि पौडेलको कोठाबाट फाईबरको झोला भित्र लुकाई छिपाई राखेको अवस्थामा बुर्फिन ३० एम्पुल, डाइजापाम ३० एम्पुल, फेनारगन ३० एम्पुल गरी जम्मा ९० एम्पुल र नाईट्रोभ्याट ३० चक्की गरि जम्मा २१० एम्पुल लागुऔषध फेला परेको थियो ।
उनीहरुमाथि थप अनुसन्धान भइरहेको प्रहरीले जनाएको छ ।
