काठमाडौं ।
आन्दोलित नेपाल बार एसोसिएसन आजदेखि आक्रामक बन्ने भएको छ । प्रधानन्यायाधीश चोलेन्द्र शमशेर राणाको राजीनामा माग्दै आन्दोलन गरिरहेको बारले आन्दोलनलाई थप चर्काउने भएको छ ।
राणाले राजीनामा दिनु साटो दिनदिनै इजलास तोकिरहेको बेला बार भने झनै रुष्ट बनेको छ ।हाल सम्म बार परिसरमै आन्दोलन गर्दै आएका उनीहरुले आजदेखि सर्वोच्च अदालतमै गई विरोध प्रर्दशन गर्ने तयारी गरेको छ ।
तर औपचारिक रुपमै सर्वोच्चमै धर्ना दिने भन्ने विषयमा छलफल भए पनि निर्णय भने भइनसकेको बारले जनाएको छ । आज बारले राणाले राजीनामा नदिएसम्म पेशी नतोक्न र इजलास नबस्न आग्रहसहित पत्र पठाउने भएको छ ।
बारले प्रधानन्यायाधीश राणा, न्यायाधीशहरू, न्याय परिषद्, न्याय सेवा आयोगलाई छुट्टाछृट्टै पत्र पठाउने भएको हो ।
