पोखरा ।
नेकपा एमालेका महासचिव इश्वर पोखरेलले पोखरा आएका छन् । मंगलबार पोखरा आएका पोखरेलले विरामी भए पछि घरमा आराम गरिरहेका केन्द्रीय सदस्य एबम् पोखरा महानगरपालिकाका मेयर मानबहादुर जिसीलाई भेटेका छन् ।

पोखरेलसगै एमाले सचिव पृथ्वी सुब्वा गुरुङ, गण्डकी प्रदेश अध्यक्ष जगत विश्वकर्मा लगायतका नेता जिसीलाइ भेट्न निवाश पुगेका थिए । पोखरेल लगायतका नेताले जिसीको स्वास्थलाभको कामना गर्न जिसीको निवास पुगेका हुन् ।

पोखरेल नेकपा एकाले कास्कीले कार्तीक ३ गते चाडपर्वको अवसरमा आयोजना गरेको शुभकामना आदानप्रदान कार्यक्रममा सहभागी हुन पोखरा आएका हुन् ।

गएको १ साउनमा उनलाई मस्तिष्कघात भएको थियो । काठमाडौँमा उपचार पछि अहिले मेयर जिसी घरमा आराम गरिरहेका छन् ।