पोखरा ।

भारतीय पपस्टार लक्की अलीले आज पोखराको लेकसाइड स्थित क्याटवाकमा लाइभ कन्सर्ट गर्ने भएका छन् ।

हिजो काठमाडौंबाट पोखरा आएका अलीले आज ‘क्याटवाक’मा आज शुक्रबार माहोल तताउने भएका हुन् ।अलीले ‘ना तुम जानो ना हम’, ‘गोरी तेरे आँखे’जस्ता हिट नम्बर दिएका छन् । । उनका अनुसार अलीलाई पोखरा ल्याउने काम भने डिजे फिन्जोकले गरेका हुन् ।

अलीको कन्सर्टमा सहभागी हुन् पहिलो चरणको टिकटदर १५ सयदेखि २ हजार रुपैयाँ निर्धारण गरिएको क्याटवाकका संचालक गुप्त लामाले जानकारी दिएका छन् ।लामाको अनुसार दोस्रो चरणको प्रवेश शुल्क भने २५ सयदेखि ३ हजार रुपैयाँसम्म पुग्नेछ ।

छिटो टिकट खरिद गर्नेहरुलाई छूट दिने उद्देश्यले चरणबद्ध टिकट विक्री भइरहेको बताइएको छ । हाल लेकसाइडस्थित ओपन हाउस, माउन्टेन टप र खहरेस्थित सनडाउन कर्माबाट टिकट विक्री भइरहेको छ ।