कपिलवस्तुमा प्रहार गरी एकजनाको हत्या भएको छ । मायादेवी गाउँपालिकामा अपरिचित समुहले हानेको गोली लागेर वडा नम्बर ६ मदरहवाका अन्दाजी ५५ बर्षका घुरहु भन्ने रामसमुझ पासीको हत्या भएको भएको हो ।
जिल्ला प्रहरी कार्यलय कपिलवस्तुका अनुसार उनलाई दुई जना अज्ञात व्यक्तिले घरबाट बोलाई मायादेवी गाउँपालिका ५ को महादेव र बनकसिया बिचको सडकमा पुर्याएर गोली प्रहार गरेका थिए ।
गोली लागेर गम्भीर घाइते भएका पासीको उपचारका लागि कपिलवस्तु अस्पताल लैजाने क्रममा मृत्यु भएको हो । घटनाबारे अनुसन्धान भइरहेको प्रहरीले जनाएको छ ।
