काठमाडौं ।

विश्व च्याम्पियन ब्राजिलियन खेलाडीको हत्या भएको छ ।

आठ पटकका जिउजित्सु विश्व च्याम्पियन लियान्द्रो लोको गोली हानी हत्या भएको हो। ब्राजिलियन खेलाडी लियान्द्रोमाथि ब्राजिलको साओ पाउलोको एक क्बलमा गोली प्रहार भएको अन्तर्राष्ट्रिय समाचार एजेन्सीले जनाएका छन् ।

उनका वकिल इभा सिक्विरी जुनियरले बताए अनुसार लियान्द्रो बसिरहेको टेबल नजिकै गएर आक्रमणकारीहरुले उनलाई तर्साएपछि लियान्द्रोले दुबैजनालाई भुइमा लडाएका थिए ।

त्यसपछि लियान्द्रोले उनीहरुलाई भुइबाट उठ्न मदत समेत गरेका थिए । तर सोही समयमा एकजनाले बन्दुक निकाल्दै उनको टाउँकोमाथि गोली प्रहार गरेको समाचारमा जनाइएको छ ।

लियान्द्रोलाई अस्पताल लगिएपनि उनलाई मृत्त घोषित गरिएको थियो । ३३ वर्षीय लियान्द्रोमाथि गोली प्रहार गरेको आरोपमा एक प्रहरीलाई पक्राउ परेका छन् ।