काठमाडौं ।
साफ यू-२० च्याम्पियनसिपमा नेपालले आज घरेलु टोली भारतसँग प्रतिष्पर्धा गर्ने भएको छ ।
भारतको भुबनेश्वरमा भइरहेको च्याम्पियनसिपको आफ्नो तेस्रो खेलमा आज नेपाल भारतसँग खेल्ने भएको हो । खेल कालिंगा स्टेडियममा नेपाली समय अनुसार साँझ सवा ७ बजे सुरु हुनेछ ।
यसअघि दुई खेल जितेर आत्मविश्वास बटुलेको नेपाल लगातार तेस्रो खेल जित्दै फाइनल पुग्ने लक्ष्यमा छ ।नेपालले यसअघि माल्दिभ्सलाई ४-० र श्रीलंकालाई ३-० ले पराजित गरेको थियो ।
फाइनल पुग्नका लागि नेपाल र भारत दुवैलाई यस खेल महत्वपूर्ण छ । भारतलाई हराएमा नेपाल लगभग फाइनल पुग्नेछ ।
