काठमाडौं ।
चन्द्रागिरीको जंगलमा हराएका तीन जना विदेशी नागरिक भेटिएका छन् ।
घुम्नका लागि पुगेका विदेशी नागरिकहरु बाटो भुलेर जंगलमा हराएका थिए ।उनीहरुलाई प्रहरी प्रभाव थानकोटले भेटाएर सकुसल उद्धार गरेको छ । उद्धार भएकाहरुमा अमेरकी नागरिक डग्लस रो तथा भारतीय नागरिक नवप्रित डिलोन र माधव गुप्ता रहेका छन् ।
थानकोटबाट करिब ७ किलोमिटर माथि जङ्गलस्थित थानकोट–चित्लाङ सडकखण्डको १०० मिटर तल भिरमा फसेको अवस्थामा उनीहरु भेटिएका हुन्।
सानेपास्थित प्रहरी प्रभागमा यसबारे सूचना आएपछि प्रहरी बृत्त थानकोटबाट तत्कालै प्रहरी उद्दारकर्मीहरु परिचालन गरिएको थियो । शनिबार साँझ आएको सो खबरपछि आवश्यक टर्च, डोरी, स्ट्रेचर लगायतका सामाग्रीसहित १० जनाको प्रहरी टोली परिचालन गरिएको जिल्ला प्रहरी परिसर काठमाडौंका प्रवक्ता उमेशराज मैनालीले जानकारी दिए ।
