काठमाडौं ।
पोखरामा स्कुटरको ठक्करबाट एक जना पैदलयात्रीको ज्यान गएको छ ।
पोखरा महानगरपालिका–२६ अर्घौचोकस्थित सडकमा स्कुटरको ठक्करबाट पैदलयात्री सोही नगरपालिका–२६ बस्ने पर्वत जलजला गाउँपालिका–५ घर भएका ७० वर्षीय मन बहादुर पुनको ज्यान गएको नेपाल प्रहरीको केन्द्रीय समाचार कक्षले जानकारी दिए । ग १३ प २०९४ नम्बरको स्कुटरको ठक्करबाट हिजो आइतबार साँझ पुनको ज्यान गएको हो।
दुर्घटनामा गम्भीर घाइते भएका उनको पोखरा स्वास्थ्य विज्ञान प्रतिष्ठान पश्चिमाञ्चल क्षेत्रिय अस्पतालमा उपचारको क्रममा ज्यान गएको हो ।
स्कुटर चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
