पोखरा ।
कास्की प्रहरीले पोखरामा स्वीप अपरेसन चलाएको छ । बुधबार राती भएको अपरेसनका क्रममा प्रहरीले एकै रात १ सय २२ भन्दा बढी पक्राउ गरेको छ ।
शान्ति सुरक्षा कायम गर्न र अवाञ्छित गतिविधि नियन्त्रण गर्न प्रहरीले आफ्ना मातहतका विभिन्न युनिटहरूसँग समन्वय गरी अपरेसन चलाएको सूचना अधिकारी गणेश पाण्डेले जानकारी दिए ।
उनका अनुसार पोखराका विभिन्न ठाउँबाट उनीहरूलाई नियन्त्रणमा लिइएको हो । पक्राउ पर्नेहरूमा सबैभन्दा बढी बैदाम क्षेत्रबाट ३९ जना छन् । यस्तै, रामबजारबाट २२ जना, बगरबाट १२ जना, सिसुवा क्षेत्रबाट ३८ जना र पृथ्वीचोक आसपासका क्षेत्रबाट ११ जना पक्राउ परेका छन् ।
पक्राउ परेकामध्ये अधिकांश लागुऔषध ९गाँजा० सेवनमा संलग्न रहेको भेटिएको छ । ८२ जना गाँजा सेवन गरिरहेको अवस्थामा भेटिएका थिए । यसबाहेक सार्वजनिक स्थलमा होहल्ला गर्ने, सर्वसाधारणलाई बाधा पुर्याउने, शान्ति खलल पार्ने र जथाभाबी मोटरसाइकल चलाएर ध्वनि प्रदूषण गर्नेहरूलाई पनि प्रहरीले नियन्त्रणमा लिएको छ ।
पक्राउ परेकाहरूलाई सम्झाइबुझाई गरेर परिवारको जिम्मा लगाइने पाण्डेले बताए ।
