काठमाडौं ।

सभापति पदबाट गगन थापाले दिएको राजीनामा नेपाली कांग्रेस केन्द्रीय कार्यसमिति बैठकले अस्वीकृत गरेको छ । थापाले २१ फागुनमा सम्पन्न प्रतिनिधिसभा निर्वाचनको परिणामलाई लिएर यसको नैतिक जिम्मेवारी लिँदै उपसभापति समक्ष विधानको धारा २६(१) बमोजिम पेस गरेको राजीनामालाई केन्द्रीय कार्यसमितिको बैठकले सर्वसम्मत रूपमा अस्वीकृत गर्ने निर्णय गरेको उपसभापति शर्माले जानकारी दिए ।

नेपाली कांग्रेसको केन्द्रीय कार्यसमिति बैठक ६ चैत देखि ८ चैतसम्म उपसभापति विश्वप्रकाश शर्माको अध्यक्षतामा सञ्चालन भएको थियो । बैठकमा उपसभापतिद्वारा प्रस्तुत विषयमाथि ८८ जना सदस्य तथा पदाधिकारिहरू द्वारा आफ्नो धारणा राखेका जनाइएको छ ।