पोखरा ।
गण्डकी प्रदेशमा थप ४२८ जनामा कोरोनाभाइरस संक्रमण पुष्टि भएको छ । ८०७ स्वाबका नमूना परिक्षण गर्दा थप संक्रमित फेला परेको स्वास्थ्य निर्देशनालय गण्डकीले जनाएको छ ।
सोही सयममा ११४ जना संक्रमण मुक्त भएका छन् । हाल सक्रिय संक्रमितको संख्या ४ हजार ४३० छ भने, ४ हजार ३५६ संक्रमित होमआइसोलेसनमा छन् ।
थप एक संक्रमितको मृत्यु भएको निर्देशनालयले जानकारी दिएको छ । मृत्यु हुनेमा तनहुँ जिल्ला, बन्दिपुर गाउँपालिका–२की ९२ वर्षीय महिला रहेकी छन् ।
