काठमाडौं ।
नेकपा एमालेले २२ जिल्लामा सर्वसम्मत नेतृत्व चयन गरेको छ । अहिलेसम्म प्राप्त परिणाम अनुसार २२ जिल्ला र २ गैरभौगोलिक क्षेत्र गरी २४ क्षेत्रमा निर्विरोध नेतृत्व चयन भएको हो ।
केन्द्रको निर्देशनअनुसार अधिकतम सहमतिमा नेतृत्व चयन गर्ने प्रयास भए पनि अधिकांश जिल्लामा निर्वाचन हुँदैछ ।
धेरै जिल्लामा नेतृत्वको आकांक्षी धेरै भएका कारण समहतिको प्रयास विफल भएको छ । सर्वसम्मत् अध्यक्ष चयन भएका २२ जिल्लाहरुमा पनि अन्य पदमा भने निर्वाचन हुँदैछ ।
गण्डकी प्रदेशका २ जिल्लामा मात्र सर्वसम्मत अध्यक्ष चयन भएका छन् । कास्की सहितका अन्य जिल्लामा भने चुनाव नै हुने संकेत देखिएको छ । कास्कीमा पनि सर्वसम्मत भए पनि अध्यक्षका लागि ५ जना आकांक्षी रहेका छन् ।
आकांक्षीमा कार्यवाहक अध्यक्ष मनबहादुर गुरुङ,सचिव दामोदर बैरागी, दीपक पौडेल, बैनबहादुर क्षेत्री र जगन्नाथ बाँस्तोला देखिएका छन् । तर मुख्य प्रतिस्पर्धा कार्यवाहक अध्यक्ष गुरुङ र सचिव बैरागीबीच हुने अनुमान गरिएको छ ।
आन्तरिक विवाद र भौगोलिक कठिनाइका कारण १६ जिल्ला छोडेर एमालेले शुक्रबार ६१ जिल्लाको अधिवेशन गरेको थियो ।
अध्यक्ष चयन भएका जिल्लाहरु
प्रदेश १
१ः झापा-दीपक कार्की
२ः मोरङ-ऋषिकेश पोखरेल
३: खोटाङ – रामप्रसाद दंगाल
४: धनकुटा – इन्द्रमणि पराजुली
प्रदेश २
१: सप्तरी- ताराकान्त चौधरी
वागमती
१ः धादिङ- भूमी त्रिपाठी
२ः काभ्रेपलाञ्चोक- अशोक ब्यान्जु
३ः भक्तपुर- बचन देउजा
४स् रसुवा- कर्णेल तामाङ
गण्डकी
१ः गोरखा- प्रेम गुरुङ
२: तनहु- श्रीप्रसाद श्रेष्ठ
लुम्बिनी
१ः पाल्पा- धनेन्द्रराज घिमिरे
२ः गुल्मी- बालकृष्ण काउछा मगर
३ः अर्घाखाची- पिताम्बर भुसाल
४ः बाँके- किस्मत कुमार कक्षपती
५ः बर्दिया- लालबहादुर श्रेष्ठ
६ः दाङ- हुकुमबहादुर बस्नेत
७: रुपन्देही- तेजेन्द्र केसी
८: कपिलवस्तु-डम्मर शर्मा (निर्वाचित)
९: नवलपरासी (पश्चिम)- दीपेन्द्र अधिकारी (निर्वाचित)
कर्णाली
१ः डोल्पा- शेरबहादुर बुढा
२ः सल्यान- गोविन्द पुन मगर
गैरभौगोलिक जिल्ला
१ः मजदूर विशेष- जितेन्द्र श्रेष्ठ
२: पेशागत विशेष- उमेश ढकाल
